| Lyrik > Gesellschaftskritisches |
 |
|
Herzlichkeit
von Evelyne Bagnoud >>
Los uf dis Herz, das wird mir xeit,
Doch wenn's Herz so viel Kummer treit?
Los was es will, wills uf und devo?
Oder hets en andere Mensch in Bsitz gno?
Los öbs tuet liebe, öbs tuet gräme,
Sich für alti Gschichte schäme.
Los öbs überhaupt tuesch ghöre -
Oder öbs di nur tuet störe?
Isch es blind & isch es taub?
Machts sich luutlos usem Staub?
Tuets di ergriife oder wotsch es begriife?
Hets i sim Läbe scho Liebi gschänkt,
Oder hesch überstüüret und nur a dich dänkt?
Nur wer mit offenem Herz dur d Welt cha gah,
Tuet au ab und zue e Mitmensch verstah.
Und was mer mit de Auge nid cha xe
Tuet ab & zue im Herze weh.
Denn machts sich chli & wet verschwinde,
Will sich nie meh überwinde.
Bis es wieder a Menschlichkeit anelauft,
Wo's sich öffnet & im Herze gfallt.
Drum tüend mir Menschlichkeit lääbe
- üses Herz het sicher nüt degege.
13. November 2022 |
|
|
Seite
1 von 1 |
|
|
| Kommentare (0) |
|
