| Kurzgeschichten > Humor |
 |
|
Da chunnt dr Dänu u gyt a, wiener erfougrych syg mit syne Versicherige, är isch ja ou dä mit em dickschte Chare wo a die Klassezämekunft isch cho. Dr Sämu steit e chly ar Syte elei, wie bsteut u nid abghout; früecher isch doch das Bürschteli doch no e bitz angers gsy. Sie brätle was d´Gluet häre git. Verzelle Anekdote, irre sech y de Jahresagabe, y de Zyte. Masch di no bsinne? Nei, jesses. Bin ig das gsy? Jemineh, bini denn no brav gsy. Und zu vorgrück-ter Stund steit dr Märcu uf u verzeut vo syne Churzgschichte im Haubsuff inne. Irgendwie het me scho geng gwüsst, dass er so richtig wird aafa schrybe. Momou. Schulterchlopfe hie und es Lächle dert. Schön, di wieder z´gseh. Wenn gseh mir üs wieder? Wär organisiert? Houpt-sach isch, dass d´Örtlechkeit Rollator und Rollstuehl gängig isch.
(c) Marc P Sahli
29. Mai 2017 |
|
| zurück |
Seite
von 2 |
|
|
| Kommentare (1) |
|
